პოეზიის საღამო

ლადო ასათიანი:”ციხის სიზმარი”

2010-08-04,

ავტორი: BETO ,

კატეგორია ,

კომენტარები (1) ,

ნანახია 1972

ლადო ასათიანი

ციხის სიზმარი

როცა მთვარე შეწყვეტს კაშკაშს

და ბნელს შემოიხვევს,

ისე, როგორც დაღლილ ვაჟკაცს,

მძიმედ სძინავს ციხეს.

სძინავს ციხეს, ნატამალი

ხმაც არ აკრთობს სმენას,

სძინავს ციხეს და თამარის

საოცნებო სენაკს.

სძინავს, ფიქრებს ალამაზებს

და სიზმარში ხედავს,

რომ მის ბებერ გალავანზე

არწივები სხედან.

რომ კვლავ ისმენს ძველთა ველთა

ნიავ-ქარის ნანას,

რომ მის ბებერ საძირკველთან

ქართველები დგანან,

რომ დილისკენ, როცა დნება

მუქი შუქი მთვარის,

გალავანზე გადმოდგება

საქართველოს თვალი.

იხურება ჯიხურებად

დაღრუბლული სივრცე,

დედოფალი იყურება

არტანუჯის მხრისკენ.

სძინავს ციხეს, ჯანიანი

თრთის და სიზმრად ხედავს:

ეს ქართველთა ჯარი არის

თუ უღრანი ხეთა,

ეს ნისლია ჩვენებური ―

მზესავით რომ მოჩანს,

თუ ქართველთა ძველებური

ჩალისფერი დროშა.

ვისკენ მოაქვთ ეს ალმები,

ვის უხდიან ჩაჩქანს.

ეს ― თამარი ესალმება

საქართველოს ლაშქარს.

იხურება ჯიხურებად

დაღრუ ... კითხვის გაგრძელება »

სრულად წაკითხვა...

ლადო ასათიანი:”საქართველო იყო მათი საოცნებო სახელი”

2010-08-04,

ავტორი: BETO ,

კატეგორია ,

კომენტარები (1) ,

ნანახია 1456

ლადო ასათიანი

საქართველო იყო მათი საოცნებო სახელი

ძველად თურმე, როცა მტრების უთვალავი ჯარები

მოდიოდნენ, რომ გაეღოთ საქართველოს კარები,

მამაკაცებს გვერდით ჰყავდათ, ვით ფოლადის ფარები,

და მტრებს მათთან ერთად სცემდნენ საქართველოს ქალები.

ისე მტკიცე იყვნენ თურმე, ვით მეტეხის კედელი,

გმირი თამარ ვაშლოვნელი და მაია წყნეთელი.

მათი ხმალი ცეცხლს აფრქვევდა, მტერი თრთოდა ვერანი,

საქართველოს ცის ფერს ჰგავდა ფერი მათი მერანის.

სადაც უნდა ყოფილიყვნენ, მარად დაუზრახველნი, —

საქართველო იყო მათი საყვარელი სახელი.

ბრძოლის ველზე მიდიოდნენ რაინდული ოცნებით,

მიდიოდნენ და მიჰქონდათ ჩალისფერი დროშები,

ბევრჯერ სისხლით შეღებილა მათი ავგაროზები.

სადაც უნდა ყოფილიყვნენ, თუნდ სამარის კარამდის,

ოსმალეთის მიწა იყო, თუ მინდორი მარაბდის, —

საქართველო იყო მათი საყვარელი მარადის.

სადაც უნდა აღემართათ სატევარი და გორდა,

ვ ... კითხვის გაგრძელება »

სრულად წაკითხვა...

ლევან ვასაძე: ”ბედნიერებამ მითხრა ნუ მეძებ”

2010-07-16,

ავტორი: BETO ,

კატეგორია ,

კომენტარები (3) ,

ნანახია 3592

საიტის ადმინისტრაციის სახელით ძალიან გთხოვთ ამ ლექსს ბოლომდე მთელი გულისყურით მოუსმინოთ...

გადმოწერეთ mp3 ვერსია

გადმოწერა

დაემატა ლინკი, ლექსს კითხულობს მურმან ჯინორია... საყურებლად დააჭირეთ აქ

... კითხვის გაგრძელება »

სრულად წაკითხვა...

გალაკტიონ ტაბიძე: ”არის მკითხველი...”

2010-06-30,

ავტორი: BETO ,

კატეგორია ,

კომენტარები (0) ,

ნანახია 1883

გალაკტიონი

”არის მკითხველი...”

არის მკითხველი

მშვენიერ წიგნის

და არის მხოლოდ

გადამკითხველი...

ის ფურცლავს, ნიშნავს,

ადარებს, ჩიჩქნის,

მაგრამ ვინაა

აქ გამკითხველი?

სრულად წაკითხვა...

გალაკტიონ ტაბიძე: ”არ დაგავიწყდეს ოქროს საღამო”

2010-06-30,

ავტორი: BETO ,

კატეგორია ,

კომენტარები (1) ,

ნანახია 1414

გალაკტიონი

”არ დაგავიწყდეს ოქროს საღამო”

არ დაგავიწყდეს ოქროს საღამო,

არ დაგავიწყდეს მზის ჩასვლა ზღვაზე,

მიზეზის სხვისა და სხვისა გამო,

გთხოვ, არ იფიქრო მხოლოდ ღელვაზე...

არ დაგავიწყდეს პალმა, ლიანა,

გეტყვი, თუნდ გული ჩემი დამიწდეს,

არ დაგავიწყდეს ჩვენი ქვეყანა,

ყველაფერი რომ გადაგავიწყდეს.

სრულად წაკითხვა...

გალაკტიონ ტაბიძე: ”...რარიგ კარგია, სამშობლოვ”

2010-06-30,

ავტორი: BETO ,

კატეგორია ,

კომენტარები (1) ,

ნანახია 3298

გალაკტიონი

***

რარიგ კარგია, სამშობლოვ,

შენი მტკვარი და რიონი,

შოთა, ილია ,აკაკი,
ვაჟა...

ორ ზღვათა შუა მდებარე
ბრწყინავდა კავკასიონი,
შოთა, ილია ,აკაკი,
ვაჟა...

სულ მაღლა გორის ციხეა,
სულ დაბლა ძველი სიონი,
შოთა, ილია ,აკაკი,
ვაჟა...

დაბლით კოლხიდის ველია,
მაღლიდან დგას ბახტრიონი,
შოთა, ილია ,აკაკი,
ვაჟა...

სრულად წაკითხვა...

ანა კალანდაძე: ”ასეთი დარი თუ იყო მაშინ ?”

2010-06-30,

ავტორი: BETO ,

კატეგორია ,

კომენტარები (24) ,

ნანახია 11600

ანა კალანდაძე

ასეთი დარი თუ იყო მაშინ ?

მზემ აიწია ფეხის წვერებზე,

მზემ მზის ქალაქში ჩამოიხედა,

იდგა თბილისი, როგორც ერეკლე,

ხმალშემართული ნარის ციხესთან...

ღრუბლები როკვით დაიძრნენ ქარში

და მიაშურეს ლილისფერ მთათა...

ასეთი დარი თუ იყო მაშინ,

ოდეს თბილისი აიკლეს სპარსთა?

სრულად წაკითხვა...

გალაკტიონ ტაბიძე: ”კაკლის ხე მთაწმინდაზე”

2010-06-30,

ავტორი: BETO ,

კატეგორია ,

კომენტარები (1) ,

ნანახია 1610

გალაკტიონი

თითქო დაეშვა შავი ფარდები,

ღამის წყვდიადში ისე მწარდები.

ცივია გული? არ შეუყვარდი?

არაფერია, შეუყვარდები.

თითქო რაიმეს ნიშნავს, რომ ბნელი

ღამით იმავე მეგობარს ელი,

არაფერია, არაფერია -

მოვა სხვა უფრო დაუძლეველი.

წარსულზე ოხვრას რისთვის უნდება

ყოველი დღე და შებინდბუნდება?

თითქო ბერდები? არაფერია!

ათასი წლისაც არ დაბერდები.

1916

სრულად წაკითხვა...

გალაკტიონ ტაბიძე: ”მარადიული ოქროს კალმებით”

2010-06-30,

ავტორი: BETO ,

კატეგორია ,

კომენტარები (1) ,

ნანახია 1390

გალაკტიონი

თითქოს მხრებს ესხას ბრწყინვალე ჩოხა;

დღეთა ულმობელ სასაფლაოსთან,

ჩვენი მღელვარე ოქროს ეპოქა

ჰქმნის სულ სხვა ახალ ვეფხისტყაოსანს.

განთიადისას ალნაღვივები

კრთომა-კანკალით და მისალმებით

ფერებს ყაზბეგზე სწერენ სხივები

მარადიული ოქროს კალმებით.

სრულად წაკითხვა...

გალაკტიონ ტაბიძე: ”დროშები ჩქარა”

2010-06-30,

ავტორი: BETO ,

კატეგორია ,

კომენტარები (2) ,

ნანახია 2706

გალაკტიონი

გათენდა. ცეცხლის მზე აენთო, აცურდა...

დროშები ჩქარა!

თავისუფლება სულს ისე მოსწყურდა,

ვით დაჭრილ ირმების გუნდს - წყარო ანკარა...

დროშები ჩქარა!

დიდება ხალხისთვის წამებულ რაინდებს,

ვინც თავი გასწირა, ვინც სისხლი დაღვარა.

მათ ხსოვნას ქვეყანა სანთლებად აინთებს...

დროშები ჩქარა!

დიდე ... კითხვის გაგრძელება »

სრულად წაკითხვა...